Rhinberkse Sprookverein Ohmen Hendrek
Willkommen bei den Rheinberger Mundartfreunden
De Beddspreij
Ütt de Dagwieser 2011, in Rhinberks Platt van Ferdinand Sprenger
As Jan on Trinn nor de Krieg an öhre Böld1 koome, wor vööl Kroom kapott. Sej sückne wat noch tu gebrucke wor. Dor fond Trinn en Beddspreij2, wat noch gut in Schuss wor.
Sej säät tegge Jan: „Dat riffel eck op on dann kann eck van de Woll Hoosesöck3 breije4, di könne wej dann bej de Buurelüj tägge wat te Ääte intusche.“
Gesagg, gedohn. An de Pottoowen5 gesatt, dat Beddspreij obgeriffelt, met de Woll Hoosesöck gebreijt on dormet nor en Burefrau gegohn. Di säät: „Dat kömmp mech rech, eck sall ow well wat Ärpele on en bettje Döörwasse doför gääwe.“
So ging dat nau ennen ganze Tidd. Breije on tusche.
Ob enns säät Trinn tägge Jan: „Eck häbb mar bloos noch Woll för enne Hoosesock, wat soll eck maake?“ Jan sät: „Dann mack ennen enkelte, wenn es enne Hoosesock obgeschleete ös, kann ma de enne gud gebrucke“.
As Trinn met dän enne Hoosesock bej di Burefrau aankömmp, säät di: „Liewe Frau, dat kömmp mech grad rech. Gej mot weete, eck riffel de Söck op öm mech en Beddspreij te breije on dor fählt mech di Woll van enne Hoosesock."
1: Behausung; 2: Bettdecke, Tagesdecke; 3: Woll-Strümpfe, -Socken; 4: Stricken; 5: Öfchen
Watt op Platt
Lesen Sie aus alten und neuen Dagwiesern Dönekes und Gedichte in Rhinberks Platt
Eck koss et nit sägge
Ütt de Dagwieser 1931, van Otto Haus
Wi sall eck de dat sägge,
dat eck so gärn de hebb,
dat eck so gärn dei legge
min Leppe aan dinn Lepp,
dat eck dinn blaue Ooge
wi ennen Hemmel sien,
twee golde Sonne öwer Dag
on nachs voll Stärneschinn.
Vööl Johre send gekomme
on sachskes wier gegohn,
vööl Waater koom geschwomme,
de Rhin, dä bliw nit stohn.
Mär ömmer möt eck denke
noch aan minn liwste Deern
on dat eck et nit sägge koss:
Eck häbb dech jo so gärn.
Spröchskes üt aalde Dagwieser
Heiha, süßa Kinneke,
Moder hitt Kathrinneke,
Vader ös enne Kappesbuhr,
wenn hei tüss kömmp, kickt hei suhr!
◊
Dor soot en Äppke
op dat Treppke
achter Moders Kökendör,
hadd en Löcksken
in et Böcksken
on dor keek et Hemken dör.
◊
Dagg, Herr Apetheker,
Plattlüüs hebb gej seeker,
för enne Penneng anderthalw,
van die beste Plattlüüssalw.
Adeleid, di Kökemääd,
di kohn so lecker kooke,
Rissepapp met Weitemähl,
o, wat kick Adelsche schäl!
◊
Marie, Marie, dän Bär ös loss,
eck häbb öm höre bromme.
Eck doch, et wor ’nen Aalde gewäss,
et wor en Ness met Jonge.
◊
Mattes met dän Esel
rijt dormet nor Wesel,
rijt dormet nor Amsderdamm,
dor krich hei en leckere Botterramm
Moder mäck dän Desch parat,
nemmt di wette Laakes.
Hier ’ne Telder, dor en Komm
för di schöne Saakes.
Finnekes parat gesatt,
dat Ruprech nit vööl Ärbeit hadd.
Boowe op dat Sölderstööfke
schloope längs on drööme süüt
Jänneke on Annegretje,
wärm gepack van Kopp bös Füüt.
Se drööme van dä Hellege Mann,
dän wat Gujes brenge kann.
Zänter Kloos
Ütt de Dagwieser 2014, in ons Platt van Bernhard Evers
De Wenter, dän häd Klompe aan;
Iss on Schnej on Flocke
komme met de Hellege Mann
schrapp heraan getrocke.
Hoppla Pärtche, Hoppla Hopp,
Zänter Kloos sett boowe dropp.
Ruprech löpp et Hüss herömm,
riw sech wärm sin Fengerkes,
kick ens döör dat Schlöötelslock
of ock liew di Kinnekes.
Di send brav ma längs na Bett,
Ruprech necks te knorre häd.